Ciidanka Jubbaland oo qabtay xubno ka tirsan Al-Shabab
-
- Posted On 23-10-2014, 02:51PM
October 23, 2014 (GO)- Ciidamada maamulka Jubbaland ayaa maanta soo bandhigay afar nin oo ka tirsan kooxda Al-Shabaab kuwas oo laga soo qabtay agagaarka tuulada Khaam Khaam oo waqooyiga Kismaayo kaga beegan una jirto 18km.
Taliyaha ugu sareeyo hawlgada Jubbaland ee la magac baxay xoreynta Gol iyo Gabiib Aaadan Goojaar ayaa sheegay in afarta nin marka la soo qabanayay ay ku dhuumaleysanayeen duleedka tuulada iyago ku hubeysanaa qorya fudud ee A-K47.
Sidoo kale waxaa la so bandhigay mid kamid ah meydadka Al-Shabaab oo ku geeriyooday dagaal xalay ay kooxdu kusoo qaaday tuulada Khaam-Khaam.
Saraakiisha maamulka ayaa sheegay in ay ciidamo dheeri ah geeyeen tuulada ayadoo ay dhulka beeraha ah ee deegaanasi ay howlgalo ka socdaan.
Waa markii labad inta ay ciidanka Jubbaland gaareen Yoontooy uu dagaal ku qabsado inta u dhaxeyso Kismaayo iyo Yoontooy.
GAROWE ONLINE
