Deni oo maamul cusub u magacaabay gobolka Nugaal

GAROWE, Puntland - Madaxweyne Saciid Cabdullaahi Deni ayaa maanta oo Isniin ah wuxuu maamul cusub oo rasmi ah uu u magacaabay gobolka Nugaal, sidda ay warisay Madaxtooyadda Puntland.

Cawil Axmed Maxamed ayaa loo magacaabay Guddoomiyaha Gobolka Nugaal, Qaasim Maxamed Cabdi waxaa laga dhigay ku-xigeenka 1aad, halka Xuseen Xaaji Cabdulle Maxamed laga dhigay labaad.

Wareegtada magacaabida

Madaxweynaha Puntland Oo Magacaabay Guddoomiyaha Gobolka Nugaal iyo Ku-xigeenadiisa.

Garoowe : 13 April 2020 : Madaxweynaha Dowladda Puntland Mudane Siciid Cabdullaahi Deni, ayaa Xeer Madaxweyne Lr.30 April 13,2020 ku magacaabay Guddoomiyaha Gobolka Nugaal iyo Ku-xigeenadiisa.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay: Baahida loo qabo dar-dar gelinta Maamul ee Gobolka Nugaal.

Markuu Tixgeliyey: Aqoontooda, kartidooda iyo waayo-aragnimadooda shaqo.

Wuxuu xeeriyey:

1. Waxaa Cawil Axmed Maxamed loo magacaabay Guddoomiyaha Gobolka Nugaal

2. Waxaa Qaasim Maxamed Cabdi loo magacaabay Guddoomiye ku-xigeenka 1aad ee Gobolka Nugaal

3. Waxaa Xuseen Xaaji Cabdulle Maxamed loo magacaabay Guddoomiye ku-xigeenka 2aad ee Gobolka Nugaal.

Gudoomiyihii gobolka Nugaal ayaa ku dhintay weerar is-miidaamin oo Al-Shabaab ay ka fulisay Garowe, waxaana laamaha ammaanka ay ku raadjoogaan shabakad la xusay inay maleegtay falkaas.

GAROWE ONLINE