Deni oo magacaabay Golaha Sare ee la-talinta Madaxweynaha

GAROWE, Puntland - Madaxweyne Siciid Cabdullaahi Deni ayaa Xeer Madaxweyne Lr51 oo ku taariikhaysan 24, July 2019 ku magacaabay Golaha Sare ee La-talinta Madaxweynaha.

Mas'uuliyiinta digreetadan lagu magacaabay oo tiradoodu ay gaareyso lix ayaa shan kamid ah waxay ka yihiin xubno iyadoo gudoomiye looga dhigay Nuuradiin Aadan Diiriye.

Xubnaha kale ee golahan ku jira oo laba kamid ah ay haween yihiin ayaa waxay kala yihiin;

1. Mahdi Maxamuud Cali

2. Yaasmiin Maxamuud Xaamud (Nayn)

3. Drs. Saciido Axmed Cali (Qacle)

4. Eng. Axmed Abshir Faarax

5. Cusmaan Seed Cilmi

Magacaabida golahan ayaa waxay kusoo aadeysaa iyadda oo uu Deni horey u magacaabay lataliyeyaasha dhinacyadda ammaanka, is-gaarsiinta, ganacsiga iyo haweenka.

GAROWE ONLINE