Dibadbax rabshad wata oo Laascaanood ka dhacay iyo dad dhintey
-
- Posted On 18-05-2015, 12:05PM
May 18, 2015 (GO)- Ugu yaraan labo qof ayaa ku dhintey saddex kalena way ku dhaawacmeen dibad-bax rabshad wata oo maanta ka dhacay magaalada Laascaanood ee xarunta gobolka Sool.
Booliska ayaa rasaas ku furey dibad-baxeyaal careysan oo dhigayey muddaaharaad ka dhan maamulka Somaliland oo maanta u dabbaal degayey sanad-guuradii 24 ee kasoo wareegtey markii dhidibada loo taagey.
Dhinaca kale, waxaa isla degmada Laascaanood maanta ka dhacay munaasabado loogu dabbaal degayo sanad-guurada Somaliland.
Xaaladda ayaa caawa ah mid deggen, waxaana la maqlayaa rasaas ciidamada boolisku mararka qaar ridayaan.
GAROWE ONLINE
