Faahfaahin ku saabsan Khasaaraha Qaraxii Boosaaso

Image

BOOSAASO, Puntland - Warar dheeraad ah ayaa kasoo baxaya qarax saacadihii hore ee maanta ka dhacay wado ku dhaw hotel Jubba ee magaaladda Boosaaso, xarunta gobolka Bari.

Qaraxa oo ahaa miino wadada lagu aasay ayaa lala eegtay Gaari uu leeyahay Gudoomiyaha gobolka Bari, Yuusuf Maxamed Wacays (Dhedo), waxaana ku dhaawacmay saddex Askari oo kamid ah ilaaladda Gudoomiyaha.

Wararka ayaa sheegaya in Guddoomiyaha uusan la socon gaariga xilliga qaraxu haleelay.

Qaraxa kadib, ciidamada amniga ayaa goobta gaarey, kadibna sameeyay howlgal kooban, balse lama oga cida loo soo qabtey weerarka oo qeyb ka ah falal lidi ku ah xasiloonida oo ka dhacaya Boosaaso.

Weerarka la doonayay in lagu khaarijiyo Dhedo ayaa kusoo beegmaya xili dhawaan ay ciidamada qabteen xubno katirsan Kooxaha argagaxisada ee ka dagaalama gobolka, iyadoo uu socdo howlgallo lagu xasilinayo Boosaaso iyo nawaaxigeeda.

GAROWE ONLINE

Related Articles

Marxuum Xildhibaan Cali Axmed Maxamuud oo Aad Qaran loogu sameeyay Garowe

Madaxweynaha Dowladda Puntland Saciid Cabdullaahi Deni ayaa ka qeybgalay duugta marxuumka.

  • Puntland

    20-05-2024

  • 04:56PM

Rag AS u fududeyn jiray weerarada Boosaaso oo la maxkamadeynayo

Puntland ayaa dagaal kula jirta AS iyo Daacish oo ku dhuumaalaysanaya dhulka buuralayd ah ee gobolka Bari.

  • Puntland

    20-05-2024

  • 11:46AM