Gaas oo la kulmay maamulka iyo saraakiisha amniga gobolka Mudug

August 13, 2015 (GO)- Madaxweynaha Puntland Cabdiweli Maxamed Cali Gaas oo maalintii labaad magaalada Gaalkacayo ku sugan  ayaa maanta kulan la qaatey saraakiisha amaanka, Garsoorka iyo maamulka gobolka Mudug.

Shirka ayaa mudadii uu scoday Madaxweynuhu warbixino ka dhagestay laamaha amaanka iyo maamulka gobolka Mudug, waxaana ay ka xog warameen xaaladda guud ee gobolka iyagoo sheegay inay tahay  mid wanaagsan, adeegyada dawladuna si habsami leh u soconayaan.

Saraakiisha Madaxweynuhu la kulmay ayaa dhankooda ku baaqay in la kordhiyo daryeelka ciidamada, maadaama aysan muddo bilo ah mushaharaadkii ay xaqa u lahaayeen helin.

Gaas ayaa qeybaha kala duwan ee buslhada ugu baaqay in ay laamaha ammaanka la shaqeeyaan , kuna soo wergeliyaan fal kasta oo lidi ku ah amaanka Dalka.

GAROWE ONLINE