Garoonka diyaaradaha Garowe oo meel wanaagsan shaqadiisu marayso [Sawirro]
-
- Posted On 27-05-2016, 11:03AM
GAROWE- Waxaa meel wanaagsan maraysa dhismaha Garoonka diyaaradaha ee Garowe International Airport, waxaana haatan socota dhismaha dhabada diyaaraduhu ku ordaan, iyadoo la dhammeeyay wajigii koowaad.
Wakiilka Warsidaha Garowe Online, ayaa booqday madaarka waxaana noo suuro gashay inaan kasoo qaadno sawirro muujinaya sida shaqadu u socoto.
Garoonka oo ay dhisayso shirka Turkish ah, waxaana xubno aan la kulanay noo sheegeen inaysan jirin wax caqabad ah oo soo wajahday mudadii howshu socotay.
Qaar kamid ah howl wadeennada ayaa sidoo kale GO, u sheegay in garoonka dhismihiisa lasoo gaba gabeyn doono waqtigii loo asteeyay, iyagoo intaasi raaciyay in dhabaha diyaaraduhu ku ordaan laga dhigi doono Afar lakab oo isa saaraan, taasoo hadda lasoo afmeeray wajigii koowaad.
Muddo sannad ah ayaa loo qabtay in lagu dhammaystiro dhismihiisa, waxaana hadda tagay kala bar waqtigii loo asteeyay, xilliga la dhammeeyana waxuu noqonayaa garoonkii labaad ee caalami ah oo Puntland yeelato, waxaana mashruuca lagu dhisayo ahaa kuwii ay wareejisay xukuumaddii hore madaxweyne Farole.
GAROWEONLINE
