Gashaan oo ka hadley guddi dib u habeynta Shaqaalaha Puntland

Image

Dec 22,2014 [ GO]- Madaxwaynaha Puntland Cabdiwali Maxamed Cali (Gaas) ayaa dhowaan guddi ka kooban Saddex xubnood u magacaabay sidii dib u habayn loogu samayn lahaa shaqaalaha Puntland.

Guddigan oo magaciisa la yiraahdo Guddiga farsamada iyo dib u habaynta shaqalaha Puntland ayaa waxaa gudoomiye looga dhigay Maxamed Faarax Ciise Gaashaan oo dowladdii hore ee Farole Wasiiru dowle kasoo noqday. Guddigan oo ah mid ka baxsan Wasaradda Shaqadda iyo Shaqalaha iyo Hay'adda Shaqalaha Rayidka ayaa diiradda saaraya sidii loo ogaan lahaa tiradda shaqalaha dowladda iyo aqoontooda inta ay gaarsiisan yahay.

Weriye Axmed Cawil Jaamac ayaa waraysi dhinacyo badan taabanaya la yeeshay Gaashaan, ugu horeynna wuxuu wax ka weydiiyey shaqadda uu qabanayo guddigan xili shaqalaha dowlada qaarkood ka cabanayaan nidaamka shaqo iyo hab maamulka Wasaradda Shaqada iyo Shaqalaha.

Arimaha kale ee wax laga weydiiyey waxaa kamid ahaa isku qasnaan u sheegay inay ka dhex jirto wasaaradaha qaar taasoo ah sababta xilligan loo dhisay gudiga dib u habeynta shaqaalaha si shaqooyinka isku murugsan ee loo kala maareeyo.

Dhinaca kale Gaashaan ayaa sheegay Madaxwaynaha Puntland inuu magacaabay guddi kale oo Jaamacadda Bariga Africa ka socda kuwaasoo qaadaya Imtixaanka shaqalaha dowladda, taasoo saluug laga muujiyay.

Xiriir aanu la samaynay Wasaradda Shaqada iyo Shaqalaha Puntland ayaa noo suurta gali wayday inaan wax ka waydiino guddigadaan uu Madaxwayne Gaas magacaabay iyo siday ula socdaan, xili ay jiraan warar sheegaya inuu jiro kala aragti duwanaan arrintan ku saabsan.

Sidoo kale waxanu xiriir la samaynay Hay'adda Shaqalaha Rayidka ah balse masuulka ugu sareeya ee Hay'adaasi ayaa ka gaabsaday inuu ka hadlayo.

GAROWEONLINE

Related Articles

Deni oo Xasan Sheekh ugu baaqey inuu Dhowro Ballanqaadkiisa hore

Baaqan wadahadal wuxuu yimid xilli ay sii kordhayaan xiisadaha siyaasadeed ee ka dhashay isbahaysiga Puntland, Jubbaland.

  • Puntland

    27-04-2025

  • 09:05AM

Maxay tahay sababta Puntland uga qeybgalaynin Shirka Gollaha Wadatashiga Qaran?

Madaxweyne Xasan Sheekh ayaa kala kulmaya beesha Caalamka cadaadis ku aadan mideynta dalka iyo xalinta khilaafaadka.

  • Puntland

    26-04-2025

  • 11:54AM