Guddiga TPEC oo farageliyey khilaafka ururka Mideeye

GAROWE, Puntland - Guddiga ku meelgaarka Doorashooyinka Puntland ayaa farageliyay khilaafka Urur Siyaasadeedka Mideeye, sida ku xusan war-saxaafadeed TPEC soo saartey kuna taariikheysan July, 5, 2021.

Bayaanka TPEC oo GO u xaqiijiyeen illo wareedyo xog-ogaal ah waxaa qeyb ka ahaa go'aano la xiriira is-mari-waagan sababay in ururka ay isaga baxaan 23 siyaasi oo kamid ahaa kuwa aas-aasay ururkaas.

Go'aanadda ayaa kala ah;

1) In golaha dhexe ee ururka uu yeesho fadhigisii caadiga ahaa kahor 27-da bisha July, 2021 xilligaas oo laga joogo hal sano kahor kulan sanadeedkii hore ee golaha dhexe

2) In ajandaha kulanka lagu darro; dhismaha guddiyadda dhiman, warbixinta waxqabadka guddiga fulinta, iyo saxiixida, bedelida ama diidmadda warbixinta waxqabadka.

3) In guddiga ku meelgaarka ah ee doorashooyinka Puntland uu goobjoog ka noqonayo kulanka si uu u xaqiijiyo habsami u socodka shirka iyo sida loo maareeyo qodobadda kor ku xusan

War-saxaafadeedka oo uu saxiixay guddoomiyaha ayaa waxaa lagu soo gabagabeeyay in guddiga TPEC uu go'aanadan awood u siinayaan xeerarka doorashooyinka dowladda Puntland iyo kan urur siyaasadeedka.

Sikastaba ha ahaatee, Puntland oo horey hormuud ugu noqotay nidaamka hirgalay ee federaalka ayaa mar kale waxay hogaamin doontaa geedi-socodka waddanka Soomaaliya ugu talaabayo hanaan dimuqraadi ah.

Hoos ka akhriso qoraalka guddiga TPEC

GAROWE ONLINE