Koox hubeysan oo weerartey saaka Hotel Village Bossaso
-
- Posted On 08-02-2017, 07:35AM
BOSSASO, Puntland- Koox hubeysan ayaa saaka aroortii weerar ku qaadey Hotel Village ee ku yaal magalada Bossaso halkasoo ay ku dhinteen ciidamo ka tirsan ilaalada Hotel ka.
Wararka ayaa sheegaya in kooxdaan hubeysan oo weerarka ku soo qaadey Hotel Village ka koobneyd 7 qof iyadoo isku dhacaan ku dhinteen 6 ka tirsan labada dhinac.
Kooxda weerarka Hotelka ku soo qaadey ayaa wararku sheegayaan in laga diley 2 maleeshiyaad ah halka ilaalada Hotelka ka dhinteen 4 qof.
Hotelka Village ayaa dadkii daganaa kuwasoo ay kamid ahaayeen saraakiil ka tirsan shirkada DP World ayaa waxaan soo gaarin wax dhimasho iyo dhaawac ah.
Weerarka Koxdaan ayaa waxaa uu kamid yahay dilal iyo dagaalo gaadmo ah ee kooxaha daacish iyo Al shabaab ku qaadayeen Bilihii u dambeeyey shacabka iyo ciidmaada amniga Puntland.
Dagaalkaan lagu soo qaadey Hotel Village ayaa ku soo beegmaya xilli Madaxweynaha Puntland, xubno ka tirsan golaha wasiirada, shaqaalaha madaxtooyada Puntland iyo xildhibaano qayb ka yihiin olalaha dorashada magalaada Muqdishu.
GAROWEONLINE
