​Korneyl Jimcaale "Ciddii shacabka laynaysa waxaan u arkaynaa Al Shabaab"

Image

GAROWE- Taliyaha ciidamada Kumaandoosta Puntland Cornel: Jimcaale Jaamac Takar, ayaa maanta ka hadlay xarig iyo jirdil loo gaystay haween ka mudaharaadayay sicir barar ku yimi maciishadda iyo lacagaha qalaad ee dollarku kamiyahay.

Jimcaale, wuxuu ku baaqay in arrintaasi la joojiyo, maadaama shacabku xor u yahay inay dhiibtaan afkaartooda, isagoo sheegay inay yihiin bulsho hadda kasoo kabaynaysa abaaro dalka saameeyay.

Cornelka oo la hadlay Radio Garowe, wuxuu saraakiisha iyo ciidamada falkaasi sameeyay u sheegay inay ka waantoobaan tacaddiga lagu hayo bulshada, isagoo tilmaamay hadii ay kusii socdaan inay tallaabo ka qaadi doonaan islamarkaana u arkayaan inay yihiin Al Shabaab.

"Har iyo habeen waxaan u taaganahay waa bulshada, mana ogolin in dhibaato loo gaysto, dadku waa xor wayna ka caban karaan wixii dhibaya, maaha in la jirdilo lana xir-xiro... Askarta waxaa samaynaysa iyo cidday ka amar qaadanayaan waxaana ugu baaqayaa inay kawaantoobaan....Hadii arrintaasi joojin waayaan waxaana u arkayaa Al Shabaab waana la dagallamaynaa shacabkana waan ka difaacaynaa,"Ayuu yiri Taliyaha ciidamda Kumaandoosta Puntland Cornel Jimcale oo sheegay inuusan joogin Garowe marka dhibaatadaasi dhacaysay.

Wuxuu intaasi raaciyay inuu la xiriiray gudoomiyaha gobolka Nugal iyo taliyaha qaybta balse taleefoonadoodu dansanaayeen isagoo ugu baaqay inay joojiyaan amarrada qaldan ee ay bixinayaan.

Hadalkan ayaa kusoo beegmay xilli la xir-xiray islamarkaana la jirdilay, maanta iyo 04 bishan haween dhigayay mudaharaad silmi ah oo looga soo horjeeday sicir bararka ku yimi maciishadda.

GAROWEONLINE

Related Articles

Ciidamada Puntland oo weeraray goob uu ku sugan yahay ku-xigeenka Hogaamiyaha Daacish

Wararka ayaa intaasi ku soo beegmaya iyadoo ciidamada Puntland ay si weyn uga go’an tahay in ay burburiso xarumaha muhiimka ah.

  • Puntland

    13-10-2025

  • 12:45PM

Ciidamada Puntland oo Guulo Weyn Ka Gaaray dagaalka Buuraleyda Cal-Miskaad

Hawlgalka ayaa sidoo kale lagu helay meydadka dagaalyahanno la rumeysan yahay in lagu dilay duqeymo uu qaaday AFRICOM.

  • Puntland

    06-10-2025

  • 01:11PM