Liiska rasmiga ah ee Musharaxiinta Puntland oo la shaaciyey [DAAWO]
-
Wariyaha Muqdisho GAROWE ONLINE
- Posted On 06-01-2019, 11:20PM
GAROWE, Puntland - Guddiga qaban-qaabadda ee doorashada Madaxwaynaha iyo ku xigeenka Puntland ayaa soo saarey liiska kama dambeysta ah ee Musharaxiinta ku tartameeysa doorashadda 8-da January 2019.
Sida ku cad war qoraal ah oo uu Guddigu soo saarey, 21 musharax ayaa isku diiwaan-gelisay inay utartanto xilka Madaxwaynaha, halka 11 kale ay ku loolamayaan jagada madaxwayne ku xigeenka.
Liiskaan ayaa ah midka kama dambeyska ah ee sida rasmiga ah loo diiwaan-geliyay maanta, islamarkaana soo buuxisay shuruudihii laga rabay, waxayna Khudbado u jeedin doonaan Gollaha Wakiiladda kahor doorashadda.
Doorashadda oo si wayn isha loogu hayo ayaa lagu wadaa inay qabsoonto maalinta Talaada ah ee todobaadkan, iyadda oo amniga caasimad goboleedka Nugaal iyo xarunta maamulkaan si wayn loo sugayo.
GAROWE ONLINE
