Maamul KMG ah oo loo magacaabay Tv-ga iyo Raadiyaha dowlada Puntland

Image

BOOSAASO, Puntland - Madaxweynaha Puntland ayaa wuxuu xil-ka-qaadis ku sameeyay agaasimaha guud ee Tv-ga iyo Raadiyaha dowladda, wuxuuna u magacaabay maamul ku meel gaar ah.

Sidda ku xusan wareegto kasoo baxday xafiiska Saciid Cabdullaahi Deni, Daahir Cabduqaadir Axmed ayaa si ku meel gaar ah loogu magacaabay jagada laga xayuubiyey Jamaal Carab Yuusuf.

Hoos ka akhriso digreetada

Boosaaso: February 6, 2020: Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne oo sumaddiisu tahay (Lr.14) kuna taariikhaysan (February 5, 2020) wuxuu xilka kaga qaaday Agaasimaha Tv-ga iyo Raadiyaha Dowladda Puntland.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay: Baahida loo qabo horumarinta Tv-ga iyo Raadiyaha Dowladda Puntland.

Wuxuu xeeriyey:

1. Waxaa Jamaal Carab Yuusuf laga qaaday xilka Agaasimaha Guud ee Tv-ga iyo Raadiyaha Dowladda Puntland.

2. Waxaa Daahir Cabduqaadir Axmed si ku meel gaar ah loogu magacaabay Agaasimaha Guud ee Tv-ga iyo Raadiyaha Dowladda Puntland.

3. Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

Siciid Cabdullaahi Deni
Madaxweynaha Dawladda Puntland

Xafiiska Warfaafinta ee Madaxtooyada Dowladda Puntland


GAROWE ONLINE

Related Articles

Ciidamada Puntland oo weeraray goob uu ku sugan yahay ku-xigeenka Hogaamiyaha Daacish

Wararka ayaa intaasi ku soo beegmaya iyadoo ciidamada Puntland ay si weyn uga go’an tahay in ay burburiso xarumaha muhiimka ah.

  • Puntland

    13-10-2025

  • 12:45PM

Ciidamada Puntland oo Guulo Weyn Ka Gaaray dagaalka Buuraleyda Cal-Miskaad

Hawlgalka ayaa sidoo kale lagu helay meydadka dagaalyahanno la rumeysan yahay in lagu dilay duqeymo uu qaaday AFRICOM.

  • Puntland

    06-10-2025

  • 01:11PM