Madaxweynaha PL oo furay mashruuca cagaarinta magaalooyinka
-
- Posted On 15-11-2014, 02:09PM
November 15, 2014 (GO)- Madaxweynaha Puntland Cabdiwali Maxamed Cali Gaas ayaa maanta geedkii ugu horeeyey ee mashruuca cagaarinta magaalooyinka Puntland waxa uu ku talalaalay magaalada Garoowe, gaar ahaan wadada cusub ee isku xiri doonta madaxtooyada iyo magaalada inteeda kale.
Wasiirka Deegaanka Puntland Guuleed Saalax Barre ayaa tilmaamay inay ka go’an tahay sidii magaalooyinka Puntland bilicdooda kor loogu qaadi lahaa islamarkaana bulshada reer Puntland laga doonayo kaalintooda inay ka qaataan.
Mashruucan oo Wasaarada Deegaanka, Duurjoogta iyo; Dalxiiska Punltnd iyo Hay,adda ADESO iska kaashanayaan waxaa laga fulin doonaa todobada degmo oo Puntland ka tirsan.
Horay ayaa Wasaarada Deegaanka waxa ballan qaaday in degmooyinka Puntland ay ka fulin doonto dhirayn(Cagaarin) si ay bilicda Magaalooyinka u soo baxaan,Abuuristan ayaa noqonysa hirgalinta balanqaadkii Wasaarada.
Mashruucan oo ah mid in muddo ah qorshihiisu soo socdey waxaa la filayaa in haddii sida loogu talo galay uu hir galo inuu wax badan ka bedeli doono bilicda magaalooyinka waaweyn ee Puntland.
GAROWE ONLINE
