Madaxweynaha PL oo la kulmey madaxa hay'adda UNDSS
-
- Posted On 11-06-2015, 02:24PM
June 11, 2015 (GO)- Madaxweynaha Puntland Cabdiweli Maxamed Cali Gaas ayaa maanta aqalka madaxtooyada ee Garoowe ku qaabilay wafdi uu hoggaaminayey Madaxa Hawl-gallada Qaramada Midoobay ee Amniga iyo Badbaadinta (UNDSS), Mr.Nick Loven Teen.
Madaxweynaha ayaa warbixin ka siiyey Mr.Nick Loven amaanka deegaanada Puntland, isagoo sheegay inuu yahay mid aad wanaagsan.
Loven Teen ayaa dhankiisa Puntland ku ammaanay horumarka ay gaartay , waxaana uu intaa raaciyey in Qaramada Midoobay ay marwalba garab taagan tahay Puntland kana taageerayso dhinac walba si loo dardar geliyo horumarka socda.
Madaxa hay'adda UNDSS ayaa sidoo kale sheegay in Qaramada Midoobey ay Puntland ka taageeri doonto xoojinta amniga iyo la-dagaalanka Ururka Al-shabaab.
GAROWE ONLINE
