Madaxweynaha Puntland oo Galkacyo dib ugu noqdey
-
- Posted On 27-10-2015, 08:17AM
27 Octobar, 2015(GO)-Madaxweynaha Puntland Cabdiwali Maxamed Cali Gaas ayaa saaka aroortii ka amabaxey magaalada Garowe isaga oo ku wajahnaa magaalada Galkacayo ee xarunta gobolka Mudug.
Gaas ayaa 25 October,2015 u yimid Garowe furitaanka Kalfadhiga 36-aad ee golaha Wakiiladda Puntland, kadib markii cadaadis lagu saaray inuu furo kulankaas.
Madaxweynahe Gaas ayaa ku sii hakadey degmada Burtinle gobolka Nugal, halkaas oo la qorshaynayo inuu kula kulmo guddiyada nabadaynta beelaha dhawaan ku dagaalaymay qaybo ka mid ah Puntland.
Muddo ka badan labo bilood ayaa madaxweynuhu ku sugnaa Galkacyo halkaas sheegey inuu ka wado hawlo bur-burin dhismayaal iyo mashaariic kale ee lagu hormarinayo gobolka Mudug.
Madaxweyne Gaas ayaa hortagay maalintii shaley golaha Barlamanka Puntland, isago la weydiiyay su'aalo la xiriira xaaladda Puntland.
Gudoonka golaha ayaa hesiis hoose madaxweynaha Puntland kula galey in xildhibanaada intooda badan ka aamusaan su'aalaha lagula xisaabtamayo xukuumadiisa.
GAROWEONLINE
