Madaxweynaha Puntland oo hambalyeeyay sannadka cusub [Dhagayso]
-
- Posted On 31-12-2015, 05:03PM
31 December, 2015(GO)-Madaxweynaha Puntland Cabdiwali Maxamed Cali Gaas oo warbaahinta kula hadlay xarunta Madaxtooyada Puntland, ayaa ka hadlay waxyaabaha sannadka 2015 u qabsoomay xukuumadda Puntland isagoo sheegay inay gaareen guulo la taabankaro.
“Sannadkii lasoo dhaafay dadka reer Puntland Wuxuu u aha sannad guul ah, hourmar baaxad weyn ayay na gaareen, wayna isku tashadeen, sannadka soosocda waxaana rajeynaynaa guulo is daba joog ah kuwaas oo la xiriir dhanka mashaariicda, ladagaallanka musuqmaasuqa iyo horumarinta dawladnima wanaaga,”Ayuu yiri Madaxweyne Gaas.
Gaas ayaa sheegay inay jiraan qorshayaal u dagan xukuumaddiisa sannadka 2016, wuxuuna tilmaamay inay sannadka maanta ku eg ka baranayaan khibrad iyo waaya aragnimo.
Marxaladda kala guurka Somalia ayuu soo hadal qaaday, wuxuuna tilmaamay in shacbiga Somaliyeed ka daaleen habka wax ku qaybsiga beelaha, dantuna ku jirto qaab aan ahayn 4.5.
Cabdiwali Maxamed Cali ayaa shacabka Somaliyeed gaar ahaan u reer Puntland u diray hambalyo ku aadan sannadka cusub.
GAROWEONLINE
