Madaxweynaha Puntland oo ka hadlay colaada Qorilay gobolka Sool [Dhagayso]
-
- Posted On 23-09-2015, 09:39PM
24 September, 2015(GO)-Warsaxaafadeeda ka soo baxay madaxweynaha Puntland oo haatan ku sugan magalada Muqdishu ayaa looga hadlay colaada ka taagaan qaybo ka mid ah gobolka Sool ee sababtay khasaaro isugu jira dhimasho iyo dhaawac.
"Waxaan u sheegayaa inaan dagaalku xal aheyn , mana jiro qof colaada ku guulaysanaya , waana kuu dhimay kaa dhimay , walaalkaa weeye waxa aad dilayso , kii kuu hiilin lahaa weeye kan aad maanta xabadda u haysato ‘’Ayuu yiri madaxweyne Gaas.
Gaas ayaa sidoo kale waxgaradka, cilimo udiinka iyo qaybaha bulshada ugu baaqay inay u istaagaan sidii loo damin laha colaada u dhaxaysa labada beelood.
"Waxaan rajeynayaa in caqligu shaqeeyo , waxaana rabaa inaan ku booriyo cilimo udiinka , madax dhaqameedka , isimada, ganacsatada , waxgaradka reer Puntland inay u kacaan sidii ay uga qeyb qaadan lahaayeen daminta colaadaasi" Ayuu yiri madaxweynaha Puntland.
Dhanka kale Cabdiwali Maxamed Cali Gaas ayaa hambalyo ku aadan ciidul Adxa u diray dhammaan umadda Somaliyeed gaar ahaan Puntland, isagoo maalintan fadligeeda ku codsaday inay is cafiyaan dadka Somaliyeed.
‘’Waxaan rajeynayaa in Somalia wanaagsanaato, in Somalia horumarto, in Puntland meesha ay hada joogto sanandka dambe meel ka fiican gaarto dhanka horumarka iyo nabad-gelyada‘’ Ayuu hadalkiisa sii raaciyey Madaxweyne Gaas.
GAROWEONLINE
