Madaxweyne Deni oo magacaabay lataliye iyo taliye ku xigeen labaad
-
WARIYAHA MUQDISHO GAROWE ONLINE
- Posted On 19-08-2019, 03:30PM
GAROWE, Puntland - Madaxweyne Saciid Cabdullaahi Deni ayaa maanta oo Isniin ah waxa uu Ismaaciil Saleebaan Geelle u magacaabay la-taliyaha madaxweynaha ee Arrimaha Siyaasadda.
WAREEGTADA
Madaxweynaha Dowladda Puntland Mudane Siciid Cabdullaahi Deni ayaa xeer Madaxweyne Lr-60, Ogoosto 19, 2019 ku magacaabay La-taliyaha Madaxweynaha ee arrimaha siyaasadda.
Madaxweynaha Dowladda Puntland.
Markuu arkay: Dastuurka Dowladda Puntland.
Markuu Tixgeliyey: Aqoontiisa iyo khibraddiisa shaqo
Wuxuu Xeeriyey:
1. Waxaa Ismaaciil Saleebaan Geelle loo magacaabay La-taliyaha Madaxweynaha ee arrimaha siyaasadda.
Xeerarkani wuxuu dhaqangelayaa markuu Madaxweynuhu saxiixo, wuuna saxiixay Madaxweynuhu.
Dhinaca kale, madaxweyne Saciid Cabdullaahi Deni ayaa S/Guuto Caydiid Axmed Nuur Siciid wuxuu u magacaabay taliye xigeenka 2-aad ee Ciidanka Booliska Puntland.
WAREEGTADA
Madaxweynaha Dowladda Puntland Mudane Siciid Cabdullaahi Deni ayaa xeer Madaxweyne Lr-62, Ogoosto 19, 2019 ku magacaabay Taliye Xigeenka 2-aad ee Ciidanka Booliska Dowladda Puntland.
Madaxweynaha Dowladda Puntland.
Markuu arkay: Dastuurka Dowladda Puntland.
Markuu Tixgeliyey: Kartidiisa, Aqoontiisa iyo Hawl-karnimadiisa ciidanimo
Wuxuu Xeeriyey:
1.Waxaa S/Guuto Caydiid Axmed Nuur Siciid loo magacaabay Taliye Xigeenka 2-aad ee Ciidanka Booliska Dowladda Puntland.
Xeerarkani wuxuu dhaqangelayaa markuu Madaxweynuhu saxiixo, wuuna saxiixay Madaxweynuhu.
Kahor magacaabida, Caydiid ayaa waxaa oo dalacsiiyay darajadda Sareeye Guuto, sidda ku xusan wareegto kasoo baxday xafiiska hogaamiyaha maamulkan 21-sano jirka ah.
GAROWE ONLINE
