Madaxweynaha Puntland oo casumaad u sameeyey Dr. Farole
-
- Posted On 07-08-2015, 01:00PM
07 August,2015 (GO)- Wararka Garowe online soo garaya ayaa xusaya in madaxweyne Cabdiweli Cali Gaas qado sharaf ugu sameeyey aqalka madaxtooyada Puntland madaxweynihii hore ee Puntland Cabdiraxman Shiikh Maxamad "Farole".
Qado sharaftaan ayaa timid maalmo kadib markii madaxweynaha Puntland soo booqdey aqalka madaxweynihii hore Farole ka dagan yahay magaalo madaxda Garowe.
Qadadaan ayaa waxaa sidoo kale goob joog ahaa safiirkii Somalia u fadhiye jirey wadanka Kenya Maxamad Ali Nurr [ America] oo booqasho ku jooga Puntland.
Madaxweynihii hore ee Puntland oo si weyn loogu soo dhoweeyey magaalada Garowe dhamadkii bishii July,2015 ayaa booqashadiisu salka ku haysay geeridii naxdinta laheyd ee ku timid AHN xaaskiisa Aamino Abiib.
GAROWEONLINE
