Maxay tahay sababta Deni wali uga aamusan yahay guusha SSC-Khaatumo?

LAASCAANOOD, Soomaaliya - Madaxweynaha dowlada Puntland ee wakhtigiisa Dastuuriga ay bilooyinka uga harsan yihiin, Siciid Cabdulaahi Deni ayaan wali ka hadlin guusha maamulka SSC-Khaatumo ay gobalka Sool uga saareen ciidamadi Somalliland ee duqeymaha ka geysan jiray Laascaanood.

Deni oo horey isaga oo ka khudbeynaya Garoonka kubada cagta ee Cawaale ee magaalada Galkacyo sheegay in Puntland ay si cad u difaacayso SSC-Khaatumo ayaan war laga hayn guusha kadib.

Garowe Online ayaa la xiriirtay khubarada kamid ah arimaha Soomaaliya iyada oo dadku ay ku kala qaybsameen aamuska Deni:

Cilmi baarayaasha aan la hadalnay ayaa u batay in Deni uusan awalba raali ka ahayn kacdoonka Buluugan ee SSC-Khaatumo ka curtay isla markaana uu doonayay in uu arinta gobalka Sool ka dhigo mid kor u laalaln tan iyo inta uu go'aan ka gaarayo damiciisa muddo kororsi isla markaana uu arintaasi u adeegsado xildhibaanada gobalka Sool ee golaha wakiilada Puntland.

Qeybta labaad ayaa meesha soo geliyay in Deni oo xiriir dhaw la leh Imaaraatka carabta isla markaana haatan ku sugan dalkaasi ay ka hor istaagtay in uu arintaasi ka hadlo dowlada Imaaraatka Carabta maadaama oo maalgelin dhaqaale oo ka badan 400 milyan oo dollar ay geliyeen dekeda Berbera sida ay shaacisay DP world.

Xafiiska Deni ayaa horey arinta gobalka Sool uga dhigtay olole si ay ugu riixaan mucaaradkiisa diidan muddo kororsiga in aysan raali ka ahayn kacdoonka Buluugan ee SSC-Khaatumo.

GAROWE ONLINE