Puntland: Beel Murashaxiinteeda Barlamanka ku kala saartay Codayn
-
WARIYAHA GAROWE ONLINE BOOSAASO
- Posted On 19-09-2018, 01:42AM
BOSAASO, Puntland- Magaalada Bosaaso ee xarunta gobolka Bari waxaa 18 September 2018 ka dhacay doorasho lagu kala saaray labo murashax oo raadinayay kursi kamid ah kuraasta Barlamanka Puntland ee soo socda.
Dr: Cabdulqaadir Kawir iyo Ex-Wasiir ku-xigeenkii hore ee Wasaaradda Waxbarashada Puntland Jaamac Yaasiin ayaa ku tartamayay kursigab beesha Reer Boqor Dishiishe.
Doorashada oo u dhacday qaab qarsoodi ah, waxaa ka qaybgalay aqoonyahanka, dhalinyarada iyo qaybaha kala duwan ee beeshaas, waxaana labada mas’uul u kala codeeyay 11 qof oo lagu soo xulay matalaada beesha reer Boqor Dishiishe.
Siyaasi Jaamac Yaasiin ayaa helay kursigaas kadib markii uu cod dheeri ah kaga guulaystay Dr Kawir.
Tallaabadan ayaa ahayd mid ku cusub nidaamka qabaliga ah ee lagu soo xulo Barlamanka Puntland, wuxuuna noqonayaa kursigii ugu horeeyay ee lagu soo saaro matalaad shacab.
Qorshahan ayaa dhabaha u xaaraya hadii ay ku dhaqmaan beelaha kale in la helo dad aqoon leh, ay ku qanacsanyihiin shacabku inay usoo kuso baxaan Barlamanka soo socda, taasoo dhabaha u xaaraysa in la helo hogaamiyo ay shacabku rabaa dalkana k samatabixin kara xaaladaha uu hadda ku jiro.
GAROWE ONLINE
