Puntland: Khilaaf ka taagan kooxo kubadda cagta oo lasoo xulay
-
- Posted On 30-05-2016, 02:43PM
GAROWE- Xiriirka kubadda cagta Puntand, ayaa maanta ku dhawaaqay liiska kooxo la sheegay inay ka mid noqonayaan kuwa heerka koowaad ee Puntland, waxaana arrintaasi shaaciyay xoghaya xiriirka Cabdulqaadir Cali (Juula).
Naadiyaasha la qaatay ayaa gaaraya 7 kooxood oo ka socda saddex gobol, kuwaasi oo kala ah;
Gobalka Bari
- Jubba Group Bosaso
- Dowladda hoose Bosaso
Gobalka Mudug
- Comsed Gaalkacyo
- Homboboro Gaalkacyo
- Somatel Gaalkacyo
Gobalka Nugaal
- SBC Garowe
- Horseed Garowe.
Balse, waxaa arrintaasi gaashanka ku dhuftay guddoomiyaha xiriirka Cabdishakuur Maxamed Yusuf (Alaale), oo sheegay in naadiyada la soo xulay aysan marin shuruudihii loo dajiyay, wuxuu sidoo kale tilmaamay in Xeerka xiriirku dhigayo in go'aamada soo baxaya ay saxiixo guddoomiyaha ama ku-xigeenka taasina aysan dhicin.
Wuxuu waxba kama jiraan ku tilmaamay dhammaan tallaabooyinka loo maray xulista kooxahaasi, isagoo tilmaamay inaan arrintaasi hirgali doonin.
Khilaafkan, ayaa kusoo beegmay xilli la qorshaynayay inay lasameeyo kooxaha heerka koowaad ee Puntland.
GAROWEONLINE
