Puntland oo ka hadashay Beerihii ku gubtay Isku-Shuban [Dhagayso]
-
- Posted On 15-10-2015, 07:41AM
15 Octobar, 2015(GO)-Agaasimaha Guud ee wasaaradda Beeraha Puntland ayaa ka waramay dab dhawaan qabsaday Beero ku yaalla degmada Isku-Shuban ee gobolka Bari.
Dr Ibraahim Aadan Xareed oo la hadlay Radio Garowe ayaa xusay in Beeralaydii khasaaruhu soo gaaray u geeyeen 300 Geed, isla markaana qiimeeyn ku soo sameeyeen dhibkii dhacay.
Hay'adaha deeq bixyaasha ah ayuu ku dhaliilay inaysan gacan ka gaysan sidii dib u kabasho loogu samayn lahaa Beeralayda Isku-Shuban.
Agaasimaha ayaa xusay in khasaarihii dhawaan dhacay uu saamayn ku yeeshay dadka deegmadaasi, kuwaas oo ku tirsanaa wax soo saarka Beeraha, wuxuu xusay inay degmada ka sameeyeen tababaro kala duwan oo ku aadan in dadka deegaanka la baro beerashada dalaga.
Dab khasaaro badan dhaliyay ayaa dabayaaqadii Septembar ka dhacay degmadaasi, waxaana gubtay in ka badan 6600 Geed, wuxuuna ka dhashay dab cunno lagu karsaday oo Beeralayda qaybtood uga tageen xilli dabayl xooggan ka dhacaysa Isku-Shuban.
GAROWEONLINE
