Puntland: Wasiir kasoo horjeestay xiriirka loo jaray Iran

15 January, 2016(GO)-Wasiiru-dowlaha Madaxtooyada iyo Xiriirka Gobollada Puntland Bashiir Cabdiraxmaan Xaaji (Gurxan), ayaa kasoo horjeestay go'aanka xiriirka loogu jaray dowladda Iran oo lagu eedeeyay arrimo kusaabsan shiicaynta umadda Somalia.

Gurxan ayaa tilmaamay inaysan meesha oollin sabab loo jari karo calaaqaad labo waddan ka dhaxeeyay, wuxuuna khalad ku tilmaamay arrinta dowladda Somalia ku dhaqaaqday, isagoo xusay inaysan munaasab ahayn maxkamadayn qof qaatay madhabta Shiicada qaatay.

Wasiirka ayaa ku andacooday inay jiraan urur diimeedyo badan oo kajira Somalia kuwaasina ay kadhib iyo khatar badanyihiin kooxaha faafinaya Shiicada, wuxuuna xusay in qofkasta u madaxbanaanyahay fikirkiisa una taallo isaga iyo ILLAAHA abuurtay.

Waa markii ugu horraysay masuul katirsan dowladda Puntland khalad kutilmaamo go'aanka dowladda Somalia xiriirka ugu jartay waddanka Iran.

GAROWEONLINE