Qalabka lagu balaarinayo dekedda Bosaso oo la keenay
-
- Posted On 12-01-2016, 03:03PM
12 January, 2016(GO)-Waxaa maanta magalada Bosaso lakeenay qalab lagu ballaaniyo dekedda xarunta ganacsiga Puntland, waxaana booqday halka lagu dajiyay Madaxweyne ku-xigeenka Puntland Cabdixakiim Cabdullaahi Xaji Cumar Camey iyo xubno katirsan golaha xukuumadda iyo maamulka gobolka Bari.
Qalabka lakeenay waxaa 08 January xafladda lagu furayay garoonka diyaaradaha Bosaso ku shaaciyay Madaxweyne Gaas, waxaana la filayaa inay yimaadaan qaybo kale oo dekedda lagu fidinayo.
Wasiirka wasaaradda dekedaha,gaadiidka badda iyo la dagaallanka Burcad-badeeda Puntland Cabdullaahi Jaamac Saalax oo Saxaafadda kula hadlay Bosaso, ayaa sheegay in qorshahani billow u yahay ballaarinta dekadda xarunta ganacsiga Puntland.
Madaxweyne ku-xigeenka Puntland Cabdillaahi Xaaji Cumar Camey ayaa tilmaamay in tani rumaynayso riyadii dadka reer Puntland isla markaana meesha kasaari doonto shaki lagalinayay qalabkan.
Wuxuu tilmaamay in xukuumadda Puntland hormarinayso kaabayaasha dhaqaalaha si loo hormariyo dalka, wuxuuna xusay inay jiraan qalab kale oo soo socda.
Dhawaan ayay ahayd markii magalada Bosaso xarigga looga jaray garoonka diyaaradaha Bosaso oo shaqadiisu socotay muddo sannad ah, waxaana sida madaxdu sheegtay xigaya dayac tirka dekedda xarunta ganacsiga Puntland.
GAROWEONLINE
