Shir dib loogu eegayo xeerka Kufsiga oo Garowe ka furmay [Dhagayso]
-
- Posted On 06-10-2015, 10:44AM
06 Octobar, 2015(GO)-Waxaa maanta magalada Garowe ka furmay shir hal maalin soconaya oo dib loogu eegayo xeerka lagu ciqaabayo shakhsiyaadka ku kaca Kufsiga iyo galmada sharci darrada ah.
Xeerka ayaa markii ugu horaysay lagu turjumay Af-Somali, waxaana markii hore ku qornaa luuqadda Ingiriiska.
Wasaaradda Cadaaladda Puntland ayaa shirka soo qaban qaabisay iyadoo taageero ka helaysa hay'adda UNFPA, waxaana kala soo qayb galay xubno ka socda wasaradaha Puntland iyo bulshada rayidka ah.
Agaasimaha Guud ee wasaaradda Cadaaladda Puntland Maxamed Cali Faarax oo sharaxay xeerka ayaa xusay turxaan bixin ka dib u gudbin doonaan Xildhibaanada Puntland si loo ansixiyo.
Xeerka ayaa laga soo min guuriyay sharci calami ah oo la sameeyay 1962 kuna aaddan ciqaabta kufsiga iyo galmada sharci darrada ah ee lagula kacayo haweenka, waxaana hadii Barlamanka Puntland Ansixiyaan noqonaysa markii ugu horraysay oo Puntland yeelato xeer lagu ciqaabo ciddi ku kacda Kufsi iyo Galmo sharci darro ah.
GAROWEONLINE
