Shirka Garowe oo la isku khilaafey gobolka Mudug [Dhageyso]
-
- Posted On 30-04-2015, 02:09PM
GAROWE 30 April, 2015 ( GO)- Xildhibaan Siciid Cabdi Samatar (Surcad) oo ka tirsan gollaha Baarlamaanka dowladda Puntland islamarkaana kamid ah guddiga wadaxaajoodka uga qayb galaya shirka wadashaiga dowlada Somalia iyo dowladaha xubnaha ka ah dowlada federaalka ayaa sheegey in la isku mari la'yahay qodobka maamul u sameynta gobolada dhexe.
Xildhibanka oo wareysi gaar ah siiyey Idaacada Radio Garowe ayaa sheegey in guddiga dowlada federaalka u matalaya shirweynaha wadatashiga aysan rabin iney cadeeyaan maamulka gobolada dhexe halka uu ka dhismayo.
Surcad ayaa sheegey in madaxweynaha Somalia Xasan shiikh uu ilaa hadda ka warwareegayo in shacabka Puntland u cadeeyo in gobolka Mudug u qaybsan yahay Koonfur iyo Woqooyi islamarkaana la cadeeyo soohdimaha maamulkaas ka sameysmayo.
Warsidaha Garowe Online ayaa horey u shaaciyey in khilaaf ka dhexjiro guddiyada u kala matalaya dowlada Puntland iyo Federaalka shirkaan HALKAN KA AKHRI
GAROWEONLINE
