Soomaaliya: Meydadka askarta Somaliland oo wali laga soo aruurinayo Goojacade

LAASCAANOOD, Somalia- Hay'adda Laanqeyrta Cas ee Caalamiga ah ayaa sheegtay in 43 mayd ah laga soo ururiyay jiidda hore ee dagaalladii ugu dambeeyay ee ka dhacay agagaarka magaalada Laascaanood ee xarunta gobolka Sool.

110 qof oo dhaawac ah ayaa hay’adda Bisha Cas ee Soomaaliyeed todobaadkii la soo dhaafay geysay isbitaallada iyadoo dagaallo bilihii lasoo dhaafay ka socday gudaha iyo daafaha magaalada Laascaanood.

War-saxaafadeedka laguma sheegin dadka dhintay iyo kuwa lagu eedeynayo, Somaliland waxay sheegtay inay Soomaaliya ka go'day soddon sano ka hor, ayna raadinaysay inay u aqoonsato dal madax-bannaan, balse ma jiro waddan dunida ka mid ah oo aqoonsaday.

Ciidamada Somaliland ayaa dagaal kula jira ciidamada SSC-Khaatumo ee doonaya inay ka mid noqdaan Soomaaliya, waxaana dagaalka ka qaxay boqolaal kun oo qof Lama oga tirada guud ee boqolaalka qof ee la dilay.

ICRC ayaa warbixin ay soo saartay maanta oo Khamiis ah ku cambaareysay waxa ay ku eedeysay inay yihiin sawiro si xun loola dhaqmay askarteeda ay qabsatay, waxayna xasuusisay dagaalyahannada hab-raacyada Axdiyada Geneva, iyo sidoo kale dhaqanka Islaamka, dawaynta maxaabiista.

Boqolaal qof ayaa labada dhinac lagaga qabsaday dagaalladii ugu dambeeyay, ICRC-da waxay sheegtay inay ku guulaysatay inay booqato 300 oo qof oo ay ku jiraan SSC-Khaatumo. Afar maxbuus oo dhaawac ah ayaa loo qaaday isbitaal, sida la sheegay.

Shaqaale ka tirsan ICRC ayaa hore u booqday ciidamo maleeshiyo ah oo laga qabsaday caasimadda Somaliland.Wasaaradda gaashaandhigga Somaliland ayaa horaantii sanadkan beenisay in ciidanku duqeeyeen isbitaalka weyn ee Laascaanood.

GAROWE ONLINE