Taliyaha ciidanka booliiska Somalia oo Carmo ku wajahan
-
- Posted On 11-10-2015, 08:15AM
11 Octobar, 2015(GO)-Wafdi uu hogaaminayo taliyaha ciidanka booliiska Somalia ayaa maanta u ambabaxay magalada Carmo ee gobolka Bari.
Safarka taliyaha waxaa ku wehelinaya wasiirka Amniga Puntland, taliyaha ciidanka booliiska iyo saraakiil kale, waxaana ujeedkoodu yahay booqasho ay ku marayaan dhammaan xarumaha booliiska Puntland.
Mas'uuliyiinta ayaa sii maraya magalada Qardho si ay u sii booqdaan xarumaha booliiska degmadaasi, waxaana taliyaha ciidanka booliiska Somaliyeed Sareeya Gaas Maxamed Sheekh Xasan Xaamud oo sheegay xilli 09 Octobar yimi Garowe inuu qiimayn ku samayn doono dhammaan xarumaha ciidanka booliiska Puntland.
Shalay ayuu kormeer ku tagay xarumo dhawr ah oo ku yaalla magalada Garowe caasumadda Puntland.
GAROWEONLINE
