Taliyihii Sirdoonka dowladda Puntland ee gobolka Mudug oo la dilay

GAALKACYO, Puntland - Taliyihii nabad-sugida dowladda Puntland ee gobolka Mudug, Col Xaashi Aadan Cilmi, ayaa lagu dilay magaaladda Gaalkacyo ee xarunta gobolkaas.

Xoogaga gacansaarka la leh shabakadda Al-Qaacida ee Al-Shabaab oo baraha afkeeda ku hadla ee internet-ka kuna faafiso wararkeeda ayaa dusha saaratay mas'uuliyadda falkan.

Sidda ay warsidaha Garowe Online u sheegeen illo dhanka ammaanka ah, marxuumka ayaa lagu toogtay meel u dhow hoygiisa xaafada Suuqa Barwaaqo ee waqoyga Gaalkacyo.

Ciidamada amniga oo meesha ay wax ka dhaceen tegay ayaa xaqiijiyey in ay baxsadeen gacan ku dhiigleyaasha oo ay tibaaxeen in ay ku raad-joogaan soona qabanayaan.

"Rag bastoolad ku hubeysanaa ayaa dilay waxyar kadib salaadii," sidaas waxaa mareega GO khadka telefoonka ugu sheegay goobjooge codsaday in aan magaciisa la adeegsan.

Gaalkacyo, xarunta gobolka Bari, ayaa waxaa kawada armiya maamulada Puntland iyo Galmudug kuwaas oo ka tirsan dowlada federaalka ah ee Soomaaliya.

Labada maamul oo kawada shaqeeya amniga, horumarka iyo dagaalka ka dhanka ah argagixisada ayaa waxaa ugu kala magacaaban mas'uuliyiin fuliya adeegyada dowladeed.

GAROWE ONLINE