Wasiirkii Cadaaladda Puntland oo is casiley [ Dhageyso]

June 13, 2015 (GO)- Wasiirkii Wasaaradda Cadaaladda Puntland Ismaaciil Maxamed Warsame ayaa saaka oo Sabti ah ku dhawaaqay inuu is casiley.

Shir-jaraa'id oo goor dhow uu ku qabtey xafiiskiisa magaalada Garowe ayuu ku shaciyey is-casilaadiisa.

Warsame oo warbaahintu u sheegey saxaafada in sideeda bilood ugu dambeysay madaxweynaha Puntland isku fiicneyn kadib markii mushahar la'aan lasoo gudboonaatey ciidamada Asluubta.

Is-casilaada wasiirka ayaa ku soo beegmeysa iyadoo la filayey maalmahaan isku-shaandhenyn lagu sameynayo golaha wasiirada Puntland taasoo kor u qaadey khilaafka u dhexeeya madaxda ugu sareysa kadib markii ay isku qabsadeen badalaada iyo magacaabista xubno hore iyo kuwao cusub.

Wasiirka Cadaalada ayaa waxaa damacsan inuu xilkaan ka qaado madaxweyne Gaas halka madaxweyne ku-xigeenka Puntland uu diidan yahay. Halka ka akhri Faalo ka hadleysa khilaafkaan.

GAROWE ONLINE