Xafiiska la dagaalanka Musuqmaasuqa Puntland oo u yeerey madaxda Hay'ada qandaraas bixinta

GAROWE- Qoraal kasoo baxay Xafiiska la dagaalanka Musuqmaasuqa ee Puntland ayaa waxa uu ku wargeliyey madaxda Hay'adda Qandaraas bixinta u qaabilsan Puntland inay yimaadaan xafiiska si wax looga weydiiyo arrimo la xiriira musuq maasuq iyo maamul xumo soo wajahdey xafiiska ay maamulaan.

Masuuliyiinta looga yeeray xafiiskan la dagaalanka musuq maasuqa oo la ballamiyey inay xafiiska tagaan Isniinta (10April 2017), waxaa ay kala yihiin 

1-Ibraahim Axmed Cumar oo ah gudoomiyaha Hay'adaan.

2- Axmed Khaliif Gudoomiye ku xigeenka Hay'ada qandaraas bixinta.

3-Isxaaq Shiikh Cabdisalaan Agaasimaha waaxda maamulka iyo maaliyada u qaabilsan xafiiskaan.

4-Cabdiqani Faarax Dhaashane xoghayaha Hay'ada.

Guddiga qandaraasyada ayaa intooda badan waxay ku maqan tahay dalka Imaraadka Carabta halkaasoo la sheegey iney kaga qayb galayeen xaflad lagu saxiixayey heshiiska dekada Bossaso lagu dhisayo.

Howlwadeenadaan loo yeerey ayaa intooda badan waxaa xilalka u magacaabey Madaxweynaha dowlada Puntland.

Gudigaan ayaa inta ay shaqada hayeen ayaa waxa ka imaanayey cabashooyin ku saabsan musuqmaasuq lagu sameeyey nidaamka qandaraasyada Puntland..

Xafiiska la dagaalanka Musuqa ayaa ah markii ugu horeysay ee uu u yeero saraakiil ka tirsan dowlada kuwasoo wax laga waydiinayo howlo la xiriira Musuqmaasuqa

GAROWEONLINE