Xaflad loogu qabtey Muqdisho madaxweynayaasha maamulada
-
- Posted On 06-02-2015, 12:46PM
MUQDISHO Feb 6,2015 [GO]- Waxaa xaley "Feb 5,2015" xaflad gobolka Banaadir soo agaasimey magaalada Muqdisho loogu qabtey madaxweynayasha maamulada Puntland, Jubaland iyo Koonfur Galbeed taasoo ay kasoo qayb galeen madaxda ugu sareysa dowlada Federaalka Somalia.
Xafladaan oo ay hadalo ka jeediyeen madaxweynaha dowlada Federaalka Somalia, Ra'isal wasaraha iyo Gudoomiyaha Barlamanka ayaa lagu gudoonsiiyey hadiyado madaxda Sadxedaas maamul.
Madaxweynaha dowlada Federaalka ayaa hadal uu ka jeediyey kaga codsadey Barlamanka dowlada Federaalka Somalia iney ansaxiyaan xukuumada cusub oo habeenkii xaley ahaa magacyadeeda la shaaciyey iyada oo dhameystiran.
Sidoo kale waxaa khudbado ka akhriyey goobta madaxweynayaasha dowlada Puntland, Jubaland iyo Koonfur Galbeed kuwaasoo sheegey iney ku faraxsan yihiin in kulankaan dhexmaro madaxda dowlada Federaalka ah iyo maamulada.
Kulankaan ayaa wararku sheegayaan in looga hadlayo qodobo ay ka mid yihiin higsiga 2016, New Deal-ka, sidii loo heli lahaa ciidamo Qaran iyo in dowlada Federaalka iyo maamulada kula hadlaan beesha caalamka Af qura.
GAROWEONLINE
