Afhayeenka Golaha Shacabka oo casuumaad u fidiyey dhigiisa Turkiga

ANKARA, Turkey – Afhayeenka Golaha Shacabka baarlamaanka Soomaaliya, Maxamed Mursal Cabdiraxmaan, ayaa waxa uu casuumaad u fidiyey dhigiisa Turkiga kadib kulan ay yeesheen.

Kulanka Mursal iyo Mustafa Şentop oo ay goobjoog ka ahaayeen mas’uuliyiin ka socda labadda dowladood ee uu ka dhaxeeyo xiriirka fiican ayaa wuxuu ka qabsoomay magaaladda Ankara.

Qoraal kasoo baxay xafiiska Mursal oo nuqul kamid ah lasoo gaarsiiyey warsidaha Garowe Online ayaa lagu shaaciyey in dhinacyada ay kawada xaajoodeen iskaashi labada baarlamaan dhexmara.

Guddiga baarlamaaniga ah ee labadda wadan ayaa sidoo kale waxay is dhaafsan doonan waayo aragnimadda dhanka khibradaha ah, iyadda oo ay jiri doonan kulamo wadajir ah oo ay yeeshaan.

Bayaanka ayaa waxaa kalsooni looga muujiyey in socdaalka Mustafa uu "ku hirgeli doono sida ugu weyn ugu macquulsan".

"Waxay isla meel-dhigeen labadda afhayeen in ay iska kaashaadaan labadda baarlamaan tababarida shaqaalaha iyo siminaaro la siinayo Xildhibaanadda," ayuu xafiiska Mursal ku yiri qoraal uu GO u soo diray.

Turkiga oo kamid ah dalalka cilaaqaadka wanaagsan la leh dowladda madaxwyne Farmaajo ayaa Soomaaliya ka taageerta dhanka dhismaha ciidanka, kabista Miisaaniyadda iyo horumarinta.

GAROWE ONLINE