Al shabaab iyo Ciidamada Ethiopia oo ku dagaalamay Halgan
-
- Posted On 17-05-2017, 11:16AM
HALGAN, Somalia - Wararka aan ka helayno gobolka Hiiraan, ayaa sheegaya in Dagaalyahanno katirsan Ururka Al shabaab ay weerar ku qaadeen Saldhigyada Ciidamada Ethiopia ee deegaanka Halgan.
Xoogaga Al shabaab ayaa dhowr Jiho ka weeraray Deegaanka Halgan, waxayna gudaha isku fara saareen Ciidamada Ethiopia, iyadoo lagu soo waramayo in labada dhinac isku adeegsadeen Hubka Culus, oo dhawaqiisa laga maqlayay deegaano fog.
Wararka ayaa sheegaya in Dagaalka xoogiisa uu ka dhacay Wadadka ka timaada dhanka magaalada Beledweyne, halkaasi oo Ciidamada Ethiopia ay fariisamo military ku leeyihiin.
Al shabaab ayaa guulo ka sheegatay dagaalka, sida lagu baahiyay Baraha Internet-ka ku leeyihiin, waxayna sheegeen inay qeybo katirsan Halgan kala wareegeen Ciidamada Ethiopia.
Wali lama oga Khasaaraha ka dhashay Dagaalka ka Halgan, oo dhawaan Ciidamada Ethiopia ee qeybta ka ah Howlgalka AMISOM dib ugala wareegeen Al shabaab.
Fahfaahinta dagaalka kala soco warakeena dambe Haddii Alle idmo.
GAROWEONLINE
