Askari nin u dilay qaraaxadda sigaarka oo dil lagu xukumay

Image
Marxuumka oo la rumeysan yahay in uu kamid ahaa ganacsatada yaryar ee magaaladan.

MUQDISHO, Soomaaliya - Maxkamadda ciidamada qalabka sidda ayaa dil toogasho ah ku xukuntay Dable Maxamed Cabdiqaadir Sheekh oo nin shacab ah ku diley magaalada Afgooye horraantii sanadkan, kadib markii uu u diiday qaraaxadda lagu shito sigaarka, taas oo qiimo ahaan ka yar nus doolar (11-kun shiling Soomaali).

Marxuumka oo la rumeysan yahay in uu kamid ahaa ganacsatada yaryar ee magaaladan ka tirsan gobolka Shabeellaha Hoose ayaa lagu magacaabayay Cabdifataax Cabdullaahi Cali.

Afgooye ayaa waxaa kusoo batay dilalka dadka ay isu geysanayaan kadib marka ay ku murmaan waxyaabo yar yar oo qiimahoodu hooseeyo, sida nin haweenay ku diley koob shaah iyo mid kale oo nin ku dilay xabbad sigaar ah.

Xukunada dilka ah ee maxkamadda ciidanka ayaa la sheegay in ay qeyb weyn ka qaadatay dhimista dilalka ay geystaan askarta, sarena u qaadday heerka lagu kalsoonyahay dowladda.

Balse shir dhowaan ka dhacay magaalada Geneva oo dhexmaray dowladda Soomaaliya iyo Hay’adda xuquuqda aadanaha Qaramada Midoobay ayay dowladda Soomaaliya ku ballan-qaadday in ay wax ka badalayso arrimo gaar ah oo la xiriira fulinta xukunada dilka ah, sida in meel fagaaro ah lagu toogto dambiilaha, taas oo ay hay’adda sheegtay in ay xad gudub ku tahay xuquuqda sharafta ee qofka la dilayo.

GAROWE ONLINE

Related Articles

Darawalkii Farmaajo oo weli nolol iyo geeri lagu la'yahay

Warar aan la xaqiijin ayaa sheegayay Maalmihii u dambeeyay in darawalka madaxweynaha uu u goostay deegaanada AS.

  • Soomaliya

    28-03-2024

  • 12:12PM

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM