Axmed Madoobe oo Kismaayo ku qaabiley Madeira
-
Garowe Online
- Posted On 29-11-2021, 02:48PM
KISMAAYO, Soomaaliya - Madaxweynaha Jubaland Ahmed Madoobe, ayaa Xarunta Madaxtooyada ku qaabilay Wakiilka Midowga Afrika ee Soomaaliya Danjire Francisco Caetano Madeira, iyo masuuliyiin kale oo ka socotay howglalka AMISOM.
Kulankan ayaa lagaga wada hadlay howlgalada amni ee wadajirka ah iyo sidii la iskaga kaashan lahaa sugida amniga Doorashooyinka Jubaland.
Waxaa kulankan Madaxweynaha kala qeybgalay Wasiirka amniga Mudane Janaraal Yusuf Xuseen Cismaan dhuumaal iyo sarakiisha hay’adaha amniga.
AMISOM ayaa booliskeeda waxay ka taageerayaan dowladda Soomaaliya sugida amaanka doorashooyinka dalka, waxaana la geeyay Gobolada marka laga reebao Puntland.
Jubaland ayaa isku diyaarinaysa inay billowdo doorashadda, waxaana wali aan xal laga gaarin arinta Gedo, oo la filayay inuu Madaxweynaha magacaabo gudoomiyaha iyo ku xigeenka Garbahaarey, halkaasoo 16 kursi lagu dooran doono.
Jubaland ayaa kamid ah meelaha cabqadaha doorashada ka jiraan, oo keenay dib u dhacyada, maadaama labada degaan doorasho ee loo qoondeeyay midkooda aan heshiis lagu ahayn, taasoo ah Garbahaarey.
Puntland, HirShabeelle iyo Jubaland ayaan wali billaabin doorashada Aqalka Hoose, iyadoo ay soo baxayaan caqabado cusub oo keeni kara dib u dhac.
GAROWE ONLINE
