BAKOOL: Al Shabaab oo la wareegtay deegaanka Teed
-
- Posted On 01-10-2017, 10:41AM
TEED, Soomaaliya - Al Shabaab ayaa weerartay saldhigyo Ciidamada maamulka Koonfur Galbeed ku leeyihiin deegaanka Teed, oo ku dhaw magaalada Xudur, ee xarunta gobolka Bakool.
Dagaalyahano aad u hubaysan, oo katirsan Al shabaab ayaa lagu soo waramayaa inay la wareegeen Deegaanka, kadib duulaan culus oo u suurta geliyay inay cagta mariyaan fariisamaha difaaca Ciidamada.
Al Shabaab hawada ka saartey Isgaarsiinta Deegaanka, oo qiyaastii 30KM u jira magaalada Xudur.
Wararka ayaa sheegay in dhowr qof oo labada dhinac ah ay ku dhinteen dagaalkii saaka halkaasi ku dhex-maray Xoogaga Al Shabaab iyo Ciidamada maamulka Koonfur Galbeed Soomaaliya.
Ciidamo xoojin ah ayaa lagu diyaariyay magaalada Xudur, kuwaasi oo Saraakiishu ay sheegeen inay ku wajahan yihiin Teed, si ay Al Shabaab uga saaraan Tuulada, oo dadkii deganaa qaarkood ka barakaceen.
Ma jirto wax war ah oo kasoo baxay Koonfur Galbeed, oo ku aadan la wareegista Al shabaab ee Teed.
GAROWOENLINE
