Ciidamada Dowladda oo la wareegay deegaano cusub oo dhaca gobolka Shabeellaha Hoose

Ciidamada iyo Macawislayda ayaa maalmihii ugu danbeeyay la wareegay in ka badan 20-deegaan.

Marka, Soomaaliya - Ciidamada Dowladda oo isugu jira Boliiska gaarka ah ee Haramcad, Ciidanka Xooga Dalka & Ciidanka Nabad Sugida iyo Sirdoonka Qaranka ayaa maanta si wadajira howlgal qorshaysan ka fuliyay deegaano dhaca gobolka Shabeellaha Hoose

Howlgalka ayaa ka dhacay dhulka howdka ah ee u dhaxeeya Jilib Marko iyo Buulo Nagey, waxaana la sheegay in Khasaare lagu gaarsiiyay xubnaha kooxda ‘AS’.

War ka soo baxay dowladada ayaa lagu sheegay in Ciidamada ay burburiyeen fariisimihii AS ee deegaanad kala ah Macalin Yuusuf, Nafaqow iyo deegaano kale.

Dowladda Soomaaliya ayaa xoojisay dagaalka ka dhanka ah AS, iyadoo maalmihii ugu danbeeyay ciidamada iyo xoogaga Macawislayda oo is kaashanaya ay la wareegeen in ka badan 20-deegaan.

GAROWE ONLINE