Ciidamo lagu qarxiyey magaaladda Gaalkacyo

Image

GAALKACYO, Puntland – Ciidamada Birmadka dowlada Puntland ee ka howlgala woqooyiga magaaladda Gaalkacyo ayaa caawa qarax lagula eegtay xarunta gobolka Mudug, sidda ay soo wariyeen illo wareedyo dadka degaanka ah.

Warar horudhac ah oo aan xaqiijin karin nooca qaraxa ayaa ku waramay in uu jiro khasaaro ka dhashay weerarkaas illaa haatan aysan jirin koox si rasmiya dusha u ridatay mas'uuliyadiisa.

"Qaraxa wuxuu ka dhacay agagaarka iskuulka Cumar Samatar," ayuu Faarax Axmed, oo ah qof kamid ah dadka degaanka oo khadka telefoonka ugu waramay warsidaha Garowe Online.

Sidda ay muujinayaan fahfaahinadda, ciidamadda la beegsaday ayaa wadday howlgalo ay ku sugayaan amniga maadaama maalmihii u dambeeyay ay soo baxayeen warar sheegaya in qarax uu ku jiro magaaladda.

"Dhimashada hal askari iyo dhaawaca laba oo ay wehliyaan tirro rayid ah ayaa lasoo sheegayaa. Balse, waxyeelada way kordhi kartaa maadaama goobta mashquul ahayd xilliga qaraxa," ayuu Faarax ku daray hadalkiisa.

Hay'addaha nabad-gelyadda dowladda Puntland ee ka howlgala waqoyga Gaalkacyo oo aan wali fahfaahin ka bixiyey dhacdadan ayaa muddooyinkii u dambeeyay ku guuleystay xisilinta iyo nabad kusoo dabaalida magaalada.

Ciidamada maamulada Puntland iyo Galmudug ayaa bilooyinkii lasoo dhaafay waxay xoojiyeen iskaashiga ay ku sugayaan amniga Gaalkacyo, waxayna soo qabteen dagaalameyaal Al-Shabaab iyo Daacish oo "dhagar culus maleegayay".

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM