Dad loo xiray khabiir kasoo jeeda Somaliland oo lagu dilay Muqdisho

Image
Abdinasir Dahable oo ka tirsanaa shaqaalaha hay'adda duulista Soomaaliya ayaa maydkiisa laga helay gurigiisa.

MUQDISHO, Soomaaliya - Booliska Soomaaliya ayaa sheegay in ay gacanta ku dhigeen nin la tuhunsan yahay inuu geystay falka lagu shaqaale ka tirsanaa Hay'adda Duulista Rayidka.

Abdinasir Dahable oo ka tirsanaa shaqaalaha hay'adda duulista Soomaaliya ayaa maydkiisa laga helay gurigii uu Muqdisho ka deganaa.

Marxuumka alle haw naxariiste sida la sheegay dhaawacyo u muuqda ceejo ayaa jidhkiisa ka muuqday.

WARSAXAAFADEED

Muqdisho, 18 Feb 2024. Caawa fiidkii abaare 06:30 PM ayaa Saldhiga Boliiska Degmada Wadajir ee Gobolka Banaadir, waxaa soo gaartay xogta in meydka muwaadin uu yaalo gurigii uu dagaanaa oo ku yaala Waaxda Janaraal Daa’uud gaar ahaan Xaafadda Ceel Qalow.

Marxuumka ayaa lagu magacaabi jiray Cabdinaasir Muuse Cabdiraxmaan, Ina Mako Nuur Dhimbil 32 Jir ahaa ku dhashay Gebiley waqooyi-Galbeed, Deganaa Degmada Wadajir, kana shaqeyn Jiray Hey’adda Duulista Rayidka ah ee Soomaaliyeed.

Ciidanka Boliiska oo goobta gaaray, ayaa bilaabay baaritaano la xariira dhacdada. waxaana gacanta Boliiska hada ku Jira ilaa 6 eedeysane iyo cadeymihii goobta loogu tagay, waxaa socda baarista kiiskan wixii ku soo kordha dib ayaan bulshada kala wadaagi doonaa.

Wa bilaahi Towfiiq


GAROWE ONLINE

Related Articles

Duqeymo Xooggan oo Ka Dhacay Xuduuda Galgadud iyo Shabeellaha Dhexe

Toddobaadyadii ugu dambeeyay, Taliska Afrika ee Mareykanka ayaa shaaciyay falal duqeyn ah oo ka dhacay meelo kale oo dalka ah.

  • Soomaliya

    30-08-2025

  • 02:35PM

Xasan Sheekh oo Hambalyo U Diray Madaxda Cusub ee Maamulka Loo Dhaawaaqay Laascaanood

Ugu dambeyn, Madaxweynaha ayaa ugu baaqay shacabka iyo hoggaanka cusub ee Laascaanood inay xoojiyaan midnimada iyo wadajirka.

  • Soomaliya

    30-08-2025

  • 02:10PM