Dagaal kasocda Shabeellaha hoose
-
- Posted On 06-04-2017, 10:57AM
MARKO, Somalia- Dagaal culus, oo u dhaxeeya ciidamada dowladda Somalia iyo Kooxda Al Shabaab ayaa goordhow ka billowday Tuulooyin ku yaalla gobolka Shabeellaha hoose.
Wararka aan ka helayno gobolka ayaa sheegaya in dagaalka uu ka qarxay deegaanada Buufow iyo Kabtanlaas, oo ku dhow magaalada Dekedda leh ee Marka, xaruna u ah gobolkaas.
Mid kamid ah dadka deegaanka ayaa Warsidaha GO u xaqiijiyay in dagaalku uu yimid ka dib markii ciidamada Dowladda Somalia ay weerar ku qaadeen Fariisimo Al Shabaabku ku leeyihiin Tuulooyinkan.
AMISOM ayaa lagu soo waramayaa inay ka qeyb-qaadanayaan iska hor-imaadka labada dhinac, islamarkaana ay hoobiyaal ku garaacayaan deegaanada ku dhow degmada Janaale, oo Al shabaab ay maamusho.
Illaa hadda lama oga Khasaaraha uu sababa dagaalka ka socda Gobolka Shabellaha Hoose.
AMISOM ayaa dhawaan sheegtay inay isku furi doonto wadada isku xirta magaalooyinka Marko iyo Baraawe, maadama inta u dhaxaysa ay gacanta ku hayaan ururka Al Shabaab.
GAROWEONLINE
