Wasiirkii Arrimaha Gargaarka Soomaaliya oo is-casishay
-
Wariyaha Muqdisho Garowe Online
- Posted On 15-11-2017, 01:35PM
MUQDISHO, Soomaaliya - Wasiirkii Arrimaha Gargaarka iyo Maareynta masiibooyinka Soomaaliya Dr Maryan Qaasim ayaa ku dhawaaqday inay iska casishay Xukuumadda Ra'iisul Wasaare Xasan Cali Khayre.
Maryan Qaasim, ayaa sheegtay inay warqada Iscasilaadeeda uu gudbisay Xafiiska Ra'iisul Wasaare Khayre, iyadoo aan shaacin sababta ka dambaysa Iscasilaadeeda.
Maanta oo ah arbaco 15-ka November 2017, waxaan si rasmi ah isaga casilay xilka aan ka hayay Dowladda Federaalka ee Soomaaliya, duruufo aniga khaas ii ah.
— Dr. Maryan Qasim (@DrMaryanQasim) November 15, 2017
Waa Wasiirkii labaada oo iska-casila xilka Xukuumadda Khayre, iyadoo ay soo baxayaan warar sheegaya in wasiiradda qaar shaqadooda lagu farageliyo.
Wasiirkii difaaca Cabdirashiid Cabdullaahi Maxamed, ayaa bishii lasoo dhaafay iska-casilay xilka, kadib markii sida la sheegay lagu farageliyay arrimaha ciidanka iyo dhaqaalaha beesha caalamka uu siiyo.
GAROWE ONLINE
