Dhagaysiga khudabaha murashaxiinta Wajiga 2aad oo la qabanayo
-
- Posted On 04-02-2017, 11:04AM
MUQDISHU, Somalia- Xildhibaanada labada aqal ee Baarlamaanka Somalia, ayaa maanta markii labaad dhagaysanaya Khudbadaha ay jeedinayaan Murashaxiinta u taagan qabashada Xilka Madaxweynaha.
Hadal jeedinta oo ah Qeybtii Labaad ah, waxaa la qorsheeyay inay golaha shacabka ka hor akhriyaan waxqabadka iyo taariikh nololeedkooda xubnaha kala ah;
Cabdinaasir Cabdulle Maxamed
Cabdiraxmaan Cabdishakuur Warsame
Cabdiraxmaan Maxamed Maxamuud (Faroole)
Cabdullaahi Cali Axmed (Cadow Cali Gees)
Cabdullaahi Cali Xasan
Cabdullaahi Ciilmooge Xirsi
Cabdulqaadir Cosoble Cali
Cali Xaaji Warsame.
Loollanka doorashada ayaa maraya meel xasaasi ah, waxaana murashaxiintu dadaal ugu jiraan sidii loo kasban lahaa codadka Xildhibaanada iyo quluubta shacabka, waxaana warbaahinta ragga qaybtood isu marinayaan eedaymo midba midka kale bannaanka kusoo dhigayo khaladaadka uu galay iyo siyaasaddiisa ku aadan hogaaminta waddanka.
Waxaa la filayaa in Maalinta Beri ah, lasoo gabo-gabeeyo Hadaljeedinta Murashaxiinta, iyadoo 6-7 Bishan ay Murashaxiinta ka qeybgali doonaan Doodo toos ah, oo warbaahinta qaranka tabin doonto.
Arbacada (February 8) ayaa lagu wadaa inay dhacdo Doorashada Madaxweynaha Somalia, waxaana u tartamayo 23 Murashax, waxaa tanaasulay Murashaxii 24-aad Tartanka.
GAROWEONLINE
