Diiwaangalinta Murashaxiinta oo lasoo gaba gabeeyay [Akhriso]
-
- Posted On 29-01-2017, 08:44PM
MUQDISHU, Somalia- Waxaa galabta lasoo afmeeray diiwaangalinta murashaxiiinta u taagan jagada Madaxweynaha Somalia taasoo khamiistii lasoo dhaafay ka bilaabtay magalaada Muqdishu caasumadda Somalia.
Guddiga labada aqal Barlamanka Somalia ee doorashada Madaxweynaha ayaa ku dhawaaqay xubnaha buuxiyay shuruudihii looga baahnaa, waxaana tiradoodu noqdeen 18.
Dr. Cabdiraxmaan Ducaale Bayle Gudoomiyaha Guddiga Doorashada, ayaa sheegay in la soo gaba gabeeyay diiwaangelinta xubnaha u tartamaya xilka ugu sareeya dalka, waxayna kala ahaayeen;
- Shariif Sheekh Axmed
- Cabdiraxmaan Sheekh Maxamed Maxamuud (Farole)
- Cabdiqaadir Cali Cosoble
- Maxamed Cabdullaahi Maxamed (Farmaajo)
- Cabdiraxmaan Cabdishakuur Warsame
- Jibriil Ibraahim Cabdulle
- Xasan Sheekh Maxamuud
- Maxamuud Axmed Nuur (Tarsan)
- Maxamed Cali Nuur (Ameeriko)
- Cabdinaasir Maxamed Cabdulle
- Cali Xaaji Warsame
- Saciid Cabdulaahi Dani
- Maxamed Maxamuud Culusow
- Saciid Ciise Maxamuud
- Cumar Cabdirashiid Cali Sharmaarke
- Bashiir Raage Shiiraar
- Cabdullaahi Ciilmooge Xersi
- Cabdullaahi Cali Gees.
Dhawaan ayaa la filayaa inay isugu yimaadaan xubnahaas madal fagaare ah oo ay kusoo jeedin doonaan ajandayaashooda siyaasadeed iyagoo adeegsanaya warbaahinta gudaha.
Doorashada Madaxweynaha ayaa dhici doonta 08 Febreuary, 2017 waxaana dadweynaha Somaliyeed isha ku hayaan cidda soo bixin doonta iyadoo ay jiraan murashaxiin jagadaas u cad-cad.
GAROWEONLINE
