Diyaarad xilli Habeen ah kusoo dagtay Garoonka Aadan Cadde [Sawirro]
-
- Posted On 24-09-2017, 10:48AM
MUQDISHO, Somaaliya - Mudo 27 sano kadib, Diyaarad rakaab ah, ayaa xalay fiidkii soo caga-dhigatay Garoonka Diyaaradaha Caalamiga Aadan Cadde ee magaalada Muqdisho.
Diyaaraddan oo ay leedahay Shirkadda Jubba Airways, ayaa waday rakaab gaaraya 100 qof, oo u badan Xujay ka timid Sacuudiga.
Mas’uuliyiin ka tirsan dowladda Federaalka Soomaliya , oo ay kamid ahaayeen Xildhibaano iyo Wasiiro ayaa jooggay Garoonka Xilliga ay soo deganaysay diyaaradda, taasi oo lagu daah-furey Shaqada Garoonka, xilliga habeenkii ah.
Wasaaradda Duulista hawada Xukuumadda Somaaliya, ayaa dhawaan shaacisay in Garoonka lay ku xirtey Nalalka waaweyn, ee ifiya Runway-ga, oo ah halka ay Diyaaradda soo caga-dhigato.
Ciidamada dowladda Federaalka Somaaliya, ayaa adkeeyay xalay amniga nawaaxiga Garoonka, halkaasi oo ay ku qab-qabteen Boqolaal dhalinyaro ah, kuwaasi xilli dambe lasii daayay.
GAROWEONLINE
