El-Sisi oo u ballan qaaday Soomaaliya taageero dhan walba ah

El-Sisi ayaa carrabka ku dhuftay inaysan oggolaan doonin in loo hanjabo Soomaaliya.

Qaahira (GO) - Madaxweynaha Masar Abdel Fattah El-Sisi ayaa xaqiijiyay in Masar aysan ogolaan doonin wax kasta oo khatar ku ah Soomaaliya iyo amnigeeda, isaga oo intaas ku daray in Masar ay diiddan tahay inay fara-geliyo arrimaha gudaha ee Soomaaliya.

El-Sisi ayaa carrabka ku dhuftay inaysan oggolaan doonin in loo hanjabo Soomaaliya, gaar ahaan haddii ay ka codsadaan inay soo farageliyaan, sida uu hadalka u dhgay.

Dhankiisa, Madaxweyne Xasan Sheekh Maxamuud ayaa sheegay inta uu kulanka socday in Soomaaliya ay dooneyso inay Masar kala shaqeyso sidii loo xoojin lahaa ammaanka, gaar ahaan xilligan oo ay jirto xaalad-siyaasadeed.

Madaxweynaha ayaa xaqiijiyay in Iskaashiga Masar iyo Soomaaliya ee dhinac walba ah uusan ahayn mid halis gelinaya amaanka dal gaar ah.

Dowladda Soomaaliya ayaa ka shaqaynaysa sidii ay taageero ugu ururin lahayd mawqifkeeda ay ku diidan tahay heshiiskii horraantii bishan ay wada saxeexdeen Itoobiya iyo maamulka Somaliland.

GAROWE ONLINE