Gudoomiyaha Barlamanka Jabuuti oo yimid Muqdisho
-
Wariyaha Muqdisho GAROWE ONLINE
- Posted On 23-11-2017, 10:22AM
MUQDISHO, Soomaaliya - Gudoomiyaha Baarlamaanka dalka Jabuuti Maxamed Cali Xaamud iyo wafdi uu hogaaminayo ayaa saaka oo Khamiis ah soo gaarey magaalada Muqdisho, ee caasimadda dalka.
Wafdiga waxaa kusoo dhaweeyay Garoonka Aadan Cadde Gudoomiyaha Gollaha Shacabka Maxamed Sheekh Cismaan Jawaari iyo xubno kale, iyadoo loo galbiyay dhanka xarunta Villa Hargeysa oo ay degenaan doonnaan inta ay ku sugan yihiin magaalada.
Jawaari ayaa sheegay in dhigiisa Jabuuti uu kala qeybgali doono Kulanka Gollaha Shacabka ee maalinta sabtida, islamarkaana ay kawada hadli doonaan xiriirka labada Baarlamaanka iyo sidii loo xoojin lahaa.
Guddoomiyaha Baarlamaanka dalka Jabuuti ayaa la filayaa in uu kulmo la qaato madaxda sare ee dowladda, waxa uuna booqan doonaa Xarumaha ay ku shaqeeyaan labada Golle ee Baarlamaanka.
GAROWE ONLINE
