Laftagareen oo wada abaabulka wajiga 2-aad ee dagaalka ka dhanka ah ‘AS’

XUDUR - Madaxweynaha Dowladda Koonfur-Galbeed Cabdicasiis Xasan Maxamed Laftagareen iyo wafdi uu Hogaaminayo ayaa lagu soo dhoweyey Magaalada Xudur ee Xarunta Gobolka Bakool.

Mas’uuliinta soogaroonka diyaaradaha ku soo dhaweeyay madaxweynaha ayaa ka mid ah Wasiiro, Xildhibaano, Mas’uuliinta Maamulka Gobolka Bakool, kan Degmada Xudur, Saraakiisha Hay'addaha Amniga iyo Qeybaha kala Duwan Bulshada.

Wafdiga soo gaaray Degmada Xudur ee Gobolka Bakool.uu hogaaminayay Madaxweyne Laftagareen ayaa ka mid ahaa mas’uulin ka tirsan maamulka Koonfur Galbeed,

Socdaalka Madaxweyne Laftagareen ee Magaalada Xudur ayaa ujeedadiisu tahay dardar-gelinta Wajiga 2-aad ee dagaalka dalka looga Saarayo kooxda ‘AS’.

Maamulka KG ayaa ku guda jira diyaar-garowgii ugu dambeeyey ee abaaulka ciidamada deeganada maamulkaas ka saari laheyd kooxda AS, oo haatan gacanta ku haysa deegaano muhiim ah.

GAROWE ONLINE